తెలంగాణ : సెల్​ఫోన్​ బ్యాటరీల లోడుతో వెళ్తున్న లారీ దగ్ధం

తెలంగాణలోని ఆదిలాబాద్ జిల్లా పిప్పర్ వాడా టోల్ ప్లాజా వద్ద​ లారీ దగ్ధమైంది. దిల్లీ నుంచి తమిళనాడుకు సెల్​ఫోన్ బ్యాటరీల లోడ్​తో వెళ్తున్న లారీలో మంటలు చెలరేగి ప్రమాదానికి గురైంది.

తెలంగాణ రాష్ట్రం ఆదిలాబాద్ జిల్లా జైనథ్ మండలం పిప్పర్ వాడా టోల్ ప్లాజా దగ్గర ఓ లారీ దగ్ధమయింది. దిల్లీ నుంచి తమిళనాడుకు సెల్​ఫోన్ బ్యాటరీల లోడ్​తో వెళ్తున్న లారీ.. టోల్​ప్లాజా వద్దకు రాగానే ఒక్కసారిగా మంటలు చెలరేగాయి. భయంతో టోల్​ప్లాజా సిబ్బంది పరుగులు తీశారు. ఆదిలాబాద్​లోని అగ్నిమాపక సిబ్బంది వచ్చి మంటలు ఆర్పారు. అప్పటికే లారీ సహా బ్యాటరీలన్నీ దగ్ధం అయ్యాయి. విద్యుదాఘాతంతోనే మంటలు చెలరేగినట్లు అధికారులు నిర్ధరించారు.

ఇవీచూడండి:దసరా హోరు.. వాహన విక్రయాల జోరు