తెలంగాణ : జీహెచ్​ఎంసీ ఎన్నికలు... తెరాస రెండో జాబితా విడుదల

జీహెచ్‌ఎంసీ ఎన్నికల్లో భాగంగా తెరాస తమ అభ్యర్థుల రెండో జాబితా విడుదల చేసింది. ఇప్పటికే 105 మందితో తొలిజాబితా ప్రకటించిన అధికార పార్టీ.. తాజాగా 20 మందితో రెండో జాబితా వెల్లడించింది. దీంతో ఇప్పటివరకు 125 మంది జాబితాను ఆ పార్టీ ప్రకటించినట్లయింది. ఇంకా 25 మంది అభ్యర్థుల పేర్లను సాయంత్రంలోపు ప్రకటించే అవకాశముంది.

జీహెచ్​ఎంసీ ఎన్నికలకు అభ్యర్థుల రెండో జాబితాను తెరాస విడుదల చేసింది. బుధవారం 105 మంది పేర్లను ప్రకటించిన తెరాస.. ఇవాళ మరో 20 మందితో రెండో జాబితా విడుదల చేసింది. మరో 25 స్థానాలకు అభ్యర్థులను ఈ రాత్రి లేదా రేపు ఉదయం ప్రకటించనున్నారు. మొదటి జాబితాలో సిట్టింగులకే ప్రాధాన్యం ఇచ్చిన గులాబీ పార్టీ.. రెండో జాబితాలో కొంత మంది కొత్తవారికి కూడా అవకాశం కల్పించింది.

1. మల్లాపూర్ - దేవేందర్‌రెడ్డి
2. రామంతాపూర్ - గంధం జ్యోత్స్న
3. బేగంబజార్ - పూజా వ్యాస్‌ బిలాల్‌
4. సులేమాన్‌నగర్ - ఎ.సరితా మహేశ్‌
5. శాస్త్రీపురం - బి.రాజేశ్‌ యాదవ్‌
6. మైలార్‌దేవ్‌పల్లి - టి.ప్రేమ్‌దాస్‌ గౌడ్‌
7. రాజేంద్రనగర్ - కొరణి శ్రీలత
8. హిమాయత్‌నగర్ - హేమలత యాదవ్‌
9. బాగ్‌అంబర్‌పేట - పద్మావతి రెడ్డి
10. భోలక్‌పూర్ - బింగి నవీన్‌కుమార్‌
11. షేక్‌పేట - ఎం.సత్యనారాయణ యాదవ్‌
12. శేరిలింగంపల్లి - రాగం నాగేందర్‌ యాదవ్‌
13. బాలానగర్ - రవీందర్‌రెడ్డి ఆవుల
14. కూకట్‌పల్లి - సత్యనారాయణ జూపల్లి
15. వివేకానందనగర్ - కాలనీ మాదవరం రోజా రంగారావు
16. వినాయక్‌నగర్ - బద్దం పుష్పలతా రెడ్డి
17. అడ్డగుట్ట - ప్రసన్నలక్ష్మి
18. మెట్టుగూడ - రాసూరి సునీత
19. బౌద్ధనగర్ - కంది శైలజ
20. బేగంపేట - మహేశ్వరి శ్రీహరి

ఇదీ చదవండి :జీహెచ్ఎంసీ అభ్యర్థుల తొలి జాబితా విడుదల చేసిన తెరాస