ఒలింపిక్స్ కాంస్య పతక విజేత పీవీ సింధు తన విజయానికి సహకరించిన వారందరికి కృతజ్ఞతలు తెలియజేశారు. దేశానికి ఓ పతకం అందించినందుకు ఎంతో ఆనందంగా ఉందన్నారు. భవిష్యత్లో మరెన్నో విజయాలు సాధిస్తానని ఆమె ధీమా వ్యక్తం చేశారు. ఇవాళ హైదరాబాద్లోని తన నివాసానికి చేరుకున్న సింధు.. తన కోచ్, ఇతర సిబ్బందితో తన నివాసంలో మీడియాతో ముచ్చటించారు. కోచ్తో పాటు పలువురు తనను ఎంతో ప్రోత్సహించారని ఆమె తెలిపారు. వారి ప్రోత్సాహం వల్లే ఇది సాధ్యమైందన్నారు కరోనా సమయంలో కూడా కోచ్ ట్రైనింగ్ విషయంలో ఎంతో సహకరించారని పేర్కొన్నారు.
టోక్యో ఒలింపిక్స్లో పతకం సాధించినందుకు ఎంతో గర్వంగా ఉందన్నారు. తన గెలుపు కోసం తల్లిదండ్రులు ఎంతో కృషి చేశారని సింధు స్పష్టం చేశారు. వారు చిన్నప్పటి నుంచి ఇచ్చిన ప్రోత్సాహం వల్లే తాను ఈ విజయాన్ని సాధించగలిగానని ఆమె చెప్పారు. టోక్యోలో దేశం నుంచి కొందరు మీడియా ప్రతినిధులు తనను ఎంతో ప్రోత్సహించారని పీవీ సింధు వెల్లడించారు.
అందరికీ కృతజ్ఞతలు