చెల్లిపై అత్యాచారానికి పాల్పడిన యువకుడు ఆత్మహత్య

అన్నయ్యలు తనపై అత్యాచారం చేశారని ఓ యువతి ఫిర్యాదు చేసిన కేసులో.. ఆమె అన్నయ్య ఆత్మహత్య చేసుకున్నాడు. తెలంగాణ భద్రాద్రి కొత్తగూడెం జిల్లాలో నిన్న ఓ యువతి అన్నయ్యలు లైంగికంగా హింసిస్తున్నారంటూ ఫిర్యాదు చేసింది.

అన్నయ్యలే తనపై అత్యాచారానికి పాల్పడుతున్నారంటూ తెలంగాణ భద్రాద్రి కొత్తగూడెం జిల్లాలో యువతి ఫిర్యాదు చేయడంతో భయాందోళనకు గురైన సోదరుడు ఆత్మహత్యకు పాల్పడ్డాడు. తన సొంత అన్నతోపాటు పెద్దమ్మ కొడుకు అజయ్‌.. చిన్నతనం నుంచి లైంగికంగా హింసిస్తున్నారంటూ ఓ యువతి నిన్న రాత్రి భద్రాద్రి జిల్లా కొత్తగూడెం పోలీసులను ఆశ్రయించింది. ఆమె ఫిర్యాదుతో పోలీసులు కేసు నమోదు చేయగా భయాందోళనకు గురైన అన్న అజయ్‌కుమార్ రామవరంలోని తన ఇంట్లో ఉరివేసుకుని ఆత్మహత్యకు పాల్పడ్డాడు.

ఇదీ చూడండి:సొంత చెల్లిని వదలని కామాంధులు.. చిన్నతనం నుంచే లైంగిక వేధింపులు