మానసిక స్థితి సరిగా లేని వృద్ధురాలి(65)పై అత్యాచారం చేసినందుకు 25 ఏళ్ల సెక్యూరిటీ గార్డును పోలీసులు అరెస్టు చేశారు. ఈ ఘటన మహారాష్ట్రలోని థానేలో జరిగింది. 'నిందితుడు కొన్ని నెలల క్రితమే నౌపడలోని హౌసింగ్ సొసైటీలో పనిలో చేరాడు. వృద్ధురాలు ఒంటరిగా నివసిస్తోందని.. తన బంధువులు వారానికి రెండుసార్లు సందర్శించేవారని తెలుసుకుని అత్యాచారానికి ఒడిగట్టాడు' అని పోలీసులు తెలిపారు.
'నవంబర్ 3న ఆ వృద్ధురాలు ఏడుస్తున్నట్లు ఇరుగుపొరుగువారు గుర్తించారు. ఆమె ఏదో అనారోగ్యంతో బాధపడుతుందని భావించి.. ఆసుపత్రికి తీసుకెళ్లారు. వైద్య పరీక్షల అనంతరం ఆమె లైంగిక వేధింపులకు గురైందని తెలిసింది' అని నౌపడా పోలీసులు తెలిపారు. అనంతరం అత్యాచారం కేసు నమోదు చేసుకుని దర్యాప్తు ప్రారంభించారు.