TS Corona Cases: తెలంగాణలో కరోనా తగ్గుముఖం పడుతోంది. గత వారం మూడు వేలకుపైగా నమోదైన కేసులు ప్రస్తుతం తగ్గుతున్నాయి. గత 24 గంటల్లో రాష్ట్రవ్యాప్తంగా 69,892 కొవిడ్ టెస్టులు చేయగా.. 1,061 మందికి పాజిటివ్ నిర్ధారణ అయింది. ఫలితంగా తెలంగాణలో మొత్తం కొవిడ్ కేసుల సంఖ్య 7,79,971కు చేరింది. వైరస్ బారినపడి మరొకరు మృతిచెందగా.. మొత్తం మృతిచెందినవారి సంఖ్య 4,102కు చేరింది.
కరోనా నుంచి మరో 3,590 మంది బాధితులు కోలుకున్నారు. ప్రస్తుతం తెలంగాణలో 21,470 కరోనా యాక్టివ్‌ కేసులున్నాయి. మరో 2,018 పరీక్షలు ఫలితాలు రావాల్సి ఉంది. గ్రేటర్ హైదరాబాద్ పరిధిలోనే 274 కరోనా కేసులు నమోదయ్యాయి.