మాజీ తాహసీల్దార్ నాగరాజు అక్రమాస్తుల కేసు-లాకర్‌లో భారీగా బంగారం

తెలంగాణ రాష్ట్రంలోని కీసర మాజీ ఎమ్మార్వో నాగరాజు అక్రమాస్తుల కేసులో భాగంగా ఏసీబీ అధికారులు అల్వాల్ ఐసీఐసీఐ బ్యాంకులో లాకర్లను తెరిచారు. నాగరాజు బంధువైన నందగోపాల్కు సంబంధించిన లాకర్లో 1256 గ్రాముల బంగారు ఆభరణాలు గుర్తించారు.

తెలంగాణలోని మేడ్చల్​ జిల్లా కీసర మాజీ ఎమ్మార్వో నాగరాజు అక్రమాస్తుల కేసులో భారీగా బంగారాన్ని ఏసీబీ సీజ్ చేసింది.​ నాగరాజు బంధువైన నందగోపాల్​కు సంబంధించిన లాకర్​లో 1256 గ్రాముల బంగారు ఆభరణాలను గుర్తించారు. తనిఖీల్లో భాగంగా నాగరాజు దంపతులు నందగోపాల్ లాకర్​ను బినామీ లాకర్​గా ఉపయోగించే వారని అధికారులు నిర్ధరించారు.

తమకు తెలియకుండానే నాగరాజు దంపతులు లాకర్​లో బంగారు ఆభరణాలను దాచినట్లు నందగోపాల్ తెలిపారు. లాకర్​లో ఉన్న పసిడి విలువ రూ. 65 లక్షలు ఉంటుందని ఏసీబీ డీఎస్పీ సూర్యనారాయణ తెలిపారు.

ఇదీ చదవండి:జేబులు నింపుకునేందుకే భారీ జరిమానాలు : అచ్చెన్నాయుడు