Student died with snake bite : ఎంతో ప్రేమగా చూసుకుంటూ.. ఉన్నత చదువులు చదివించి గొప్ప స్థానంలో చూడాలనుకున్న ఆ తల్లిదండ్రులకు కడుపుకోతే మిగిలింది. ఎంతో కష్టపడి ఇంటర్ పూర్తి చేసి.. డిగ్రీ చదువుతున్న ఆ అమ్మాయిని పాము రూపంలో మృత్యువు మింగేసింది. ఈ విషాదకర ఘటన తెలంగాణలోని ఆదిలాబాద్ జిల్లాలో చోటు చేసుకుంది.
అసలేం జరిగిందంటే..
Snake bite : ఆదిలాబాద్ జిల్లా బేల మండలం బెదోడ గ్రామానికి చెందిన రైతు భలేరావు సుభాష్‌ ఏకైక కుమార్తె ప్రణాళి (18). ఆదిలాబాద్‌లోని ఓ ప్రైవేటు కళాశాలలో డిగ్రీ చదువుతోంది. గతేడాది సెప్టెంబరులో ఇంట్లో నిద్రిస్తుండగా చేతిపై పాము కాటేసింది. కుటుంబీకులు వైద్యం కోసం దాదాపు రూ.4 లక్షల వరకు ఖర్చు చేసి ఆమెను బతికించుకున్నారు. రెండోసారి ఈ ఏడాది జనవరిలో ఇంటి ఆవరణలో కూర్చొనిఉండగా పాముకాటుకు గురైంది. చికిత్సతో తిరిగి కోలుకుంది.