ఉపాధ్యాయ బదిలీలను పాఠశాల, సర్వీసు పాయింట్ల ఆధారంగా నిర్వహించనున్నారు. సర్వీసును గుర్తించేందుకు జులై 31గాని, అకడమిక్‌ సంవత్సరాన్నిగాని పరిగణనలోకి తీసుకోనున్నారు. ఉపాధ్యాయుల హేతుబద్ధీకరణ, బదిలీలపై కమిషనర్ చినవీరభద్రుడు బుధవారం ఉపాధ్యాయ సంఘాలతో ప్రత్యేక సమావేశం నిర్వహించారు. ఈ సమావేశంలో పలు నిర్ణయాలు తీసుకున్నారు.
- కనీసం రెండేళ్లు సర్వీసు పూర్తి చేసుకున్న వారు బదిలీ దరఖాస్తుకు అర్హులు. ఉపాధ్యాయులు ఎనిమిదేళ్లు, ప్రధానోపాధ్యాయులు ఐదేళ్లు పూర్తయితే తప్పనిసరి బదిలీ.
- హేతుబద్ధీకరణకు గురయ్యే ఉపాధ్యాయులకు రెండు, స్పౌజ్‌కు రెండు పాయింట్లు ఇస్తారు.
- కేటగిరి-4లోని పాఠశాలకు ఐదు, కేటగిరి-1,2,3లకు 1,2,3 పాయింట్లు కేటాయిస్తారు.
- సర్వీసుకు సంబంధించి ఏడాదికి 0.2 పాయింట్లు ఇవ్వాలని అధికారులు ప్రతిపాదించగా ఒక పాయింట్‌ ఇవ్వాలని ఉపాధ్యాయ సంఘాలు కోరాయి.
- ప్రాథమిక పాఠశాలల్లో 40-60 విద్యార్థులు ఉంటే ముగ్గురు ఉపాధ్యాయులను నియమిస్తారు.
- ఉన్నత పాఠశాలల్లో ఆంగ్లం, తెలుగు రెండు మాధ్యమాలను పరిగణనలోకి తీసుకొని పోస్టుల కేటాయింపు.
- జిల్లా విద్యాధికారి ఫూల్‌లో ఉన్న భాషపండితులను ప్రాథమికోన్నత పాఠశాలల్లో సర్దుబాటు చేస్తారు.
- పదోతరగతి విద్యార్థులకు ఎలాంటి గ్రేడ్లు ఇవ్వకుండా ఉత్తీర్ణులుగా పరిగణించాలని సంఘాల ప్రతినిధులు కోరారు.
ఈనెల 7 తర్వాత వారానికోసారి...