విశాఖ ఫార్మాసిటీ అగ్నిప్రమాదంపై చంద్రబాబు, లోకేశ్​ దిగ్భ్రాంతి

విశాఖ ఫార్మా సిటీలో అగ్నిప్రమాదంపై తెదేపా అధినేత చంద్రబాబు, పార్టీ జాతీయ ప్రధాన కార్యదర్శి నారా లోకేశ్​ దిగ్భ్రాంతి వ్యక్తం చేశారు. ఘటనా దృశ్యాలు తీవ్రంగా కలిచివేశాయని తెలిపారు. కార్మికులంతా సురక్షితంగా ఉండాలని ఆకాంక్షించారు.

చంద్రబాబు ట్వీట్​

విశాఖ ఫార్మా సిటీలో పేలుడు గురించి తెలిసి షాక్‌కు గురైనట్లు తెలుగుదేశం అధినేత చంద్రబాబు తెలిపారు. ఘటనా దృశ్యాలు భయంకరంగా కనిపించాయన్న ఆయన.. కార్మికులు అంతా సురక్షితంగా ఉండాలని దేవుడిని ప్రార్థిస్తున్నట్లు చెప్పారు.

లోకేశ్​ ట్వీట్​

విశాఖపట్నం ఫార్మా సిటీలో పేలుడు దృశ్యాలు బాధ కలిగించాయని తెదేపా జాతీయ ప్రధాన కార్యదర్శి నారా లోకేశ్ తెలిపారు. ప్రమాద బాధితులకు అధికారులు అన్ని విధాలా అండగా ఉంటారని ఆశిస్తున్నట్లు చెప్పారు. కార్మికులకు సురక్షితంగా ఉండాలని ఆకాంక్షించారు.

ఇదీ చూడండి..