తెలంగాణలో తెదేపాకు మిగిలిన ఏకైక ఎమ్మెల్యే మెచ్చా నాగేశ్వరరావు తెరాసలో చేరారు. ఇప్పటికే ఆ పార్టీకి చెందిన సత్తుపల్లి ఎమ్మెల్యే సండ్ర వెంకట వీరయ్య గులాబీ పార్టీలో చేరారు. రాష్ట్రంలో తెదేపాకు ఉన్న ఇద్దరు ఎమ్మెల్యేలు తెరాసలో చేరడంతో... తెదేపా శాసనసభాపక్షాన్ని తెరాస శాసనసభాపక్షంలో విలీనం చేశారు. దీనికి సంబంధించిన లేఖను శాసనసభ స్పీకర్‌ పోచారం శ్రీనివాస్‌రెడ్డికి ఎమ్మెల్యేలు సండ్ర వెంకట వీరయ్య, మెచ్చా నాగేశ్వరరావు అందజేశారు.
టీఆర్‌ఎస్‌ఎల్పీలో టీడీఎల్పీ విలీనం - టీఆర్ఎస్లో చేరిన మెచ్చ నాగేశ్వరరావు
తెలంగాణలో తెలుగుదేశం శాసనసభాపక్షం తెరాస శాసనసభాపక్షంలో విలీనమైంది. తెలుగుదేశం తరఫున ఎన్నికైన ఇద్దరు ఎమ్మెల్యేలు సండ్ర వెంకటవీరయ్య, మెచ్చా నాగేశ్వరరావు విజ్ఞప్తి మేరకు టీడీఎల్పీని తెరాస శాసనసభాపక్షంలో విలీనం చేశారు. ఈ మేరకు శాసనసభ కార్యదర్శి నరసింహాచార్యులు బులెటిన్ విడుదల చేశారు.
టీఆర్‌ఎస్‌ఎల్పీలో టీడీఎల్పీ విలీనం