వాలంటీర్ వ్యవస్థపై తెదేపా పొలిట్ బ్యూరో సభ్యుడు అయ్యన్నపాత్రుడు తీవ్ర స్థాయిలో మండిపడ్డారు. మహిళలను వేధిస్తూ... ప్రజలను వెంటాడుతున్న వాలంటీర్లకు చప్పట్లు కొట్టాలా...? అని దుయ్యబట్టారు. వాలంటీర్ వ్యవస్థతో అనేక చోట్ల మహిళలపై వేధింపులు, అత్యాచారాలు, దాడులు, పింఛన్ డబ్బులో చేతివాటం లాంటి ఘటనలు వెలుగుచూస్తున్నాయని ట్విటర్లో ఆగ్రహం వ్యక్తం చేశారు.
సీఎం జగన్ సమాధానం చెప్పాలి..
ఏడాదిగా వాలంటీర్ల అరాచకాలకు సంబంధించిన ఓ వీడియోను మాజీ మంత్రి బండారు సత్యనారాయణ మూర్తి ట్విటర్ లో విడుదల చేశారు. బాలిక పై అత్యాచారం, వృద్ధురాలి మెడలో గొలుసు దొంగతనం, నాటు సారా కాయటం, అక్రమ మద్యం తరలింపు, మహిళ పై హత్యాయత్నం, లాంటి దుర్మార్గాలకు వాలంటీర్లు పాల్పడ్డారని అందులో ఆరోపించారు. అలాంటి వారికి చప్పట్లు కొట్టాలా..? చెట్టుకి కట్టేసి కొట్టాలో జగన్ సమాధానం చెప్పాలని బండారు మండిపడ్డారు.