తెదేపా అధికార ప్రతినిధి పట్టాభి
విశాఖ ఉక్కు కర్మాగారం భూములు అమ్మడానికి సీఎం జగన్‌ ఎవరని.. తెలుగుదేశం పార్టీ నేత పట్టాభి ప్రశ్నించారు. 32 మంది ప్రాణత్యాగం చేసి విశాఖ స్టీల్‌ ప్లాంట్‌ సాధిస్తే.. ఇప్పుడు భూములు అమ్ముతారా అని నిలదీశారు.
పోస్కో కంపెనీ విశాఖ స్టీల్‌ ప్లాంట్‌ గురించి రాలేదని చెబుతున్న సీఎం జగన్‌.. డ్రామాలాడుతున్నారని దుయ్యబట్టారు. రాజ్యసభలో వైకాపా ఎంపీ అడిగిన ప్రశ్నకు కేంద్ర మంత్రి స్పష్టంగా సమాధానం చెప్పారని గుర్తు చేశారు. అందరం రాజీనామా చేసి కలిసి పోరాడుదామని హితవు పలికారు.