రైతుల గుండెలు ఆగుతున్నా జగన్ మనసు కరగటం లేదు: లోకేశ్

రాజధాని ఉద్యమం 300వ రోజుకు చేరుకుంటున్న వేళ... ఇద్దరు అమరావతి రైతులు చనిపోవటం బాధాకరమని నారా లోకేశ్ ఆవేదన వ్యక్తం చేశారు. వారి మృతిపట్ల సంతాపం వ్యక్తం చేశారు. ఇప్పటికైనా వైకాపా ప్రభుత్వం 3 రాజధానుల ఆలోచనను విరమించుకోవాలన్నారు.

రాజధాని కోసం భూత్యాగం చేసిన రైతుల గుండెలు ఆగుతున్నా.. ముఖ్యమంత్రి జగన్​ మనస్సు కరగటం లేదని తెదేపా జాతీయ ప్రధాన కార్యదర్శి నారా లోకేశ్ దుయ్యబట్టారు. 3 రాజధానుల ఆలోచన మానుకొని .. అమరావతిని అభివృద్ధి చేయాలని ట్విటర్​లో డిమాండ్ చేశారు. వైకాపా నేతల అవమానాలతో 92 మంది అమరావతి రైతులు బలయ్యారని ఆరోపించారు.

రాజధాని పోరాటం 300వ రోజుకి చేరుకుంటున్న సమయంలో ఒకే రోజు ఇద్దరు రైతులు చనిపోవడం బాధాకరమన్నారు. కృష్ణాయపాలెంకు చెందిన లంకాశివరామకృష్ణ, ఉద్దండరాయునిపాలెంకు చెందిన పులిచిన్న లాజర్​ మృతి పట్ల లోకేశ్ సంతాపం ప్రకటించారు.

ఇదీ చదవండి: