కోర్టుల వేసవి సెలవుల్లో మార్పులు

కరోనా పరిస్థితుల నేపథ్యంలో హైకోర్టుతోపాటు, దిగువ న్యాయస్థానాలకు వేసవి సెలవుల విషయంలో స్వల్ప మార్పులు చేస్తూ హైకోర్టు నిర్ణయం తీసుకుంది. గతంలో ప్రకటించిన దానికంటే సెలవులను ముందుకు జరిపింది.

మే 10 నుంచి జూన్ 11 వరకు హైకోర్టుకు సెలవులు ఉండనున్నాయి. గతంలో మే 14 నుంచి జూన్ 11 వరకు హైకోర్టుకు వేసవి సెలవులు ప్రకటించారు. మరోవైపు అక్టోబర్ 23తో పాటు గతంలో సెలవులు ప్రకటించిన నవంబర్ 3, 5 తేదీల్లో హైకోర్టు పనిదినంగా పేర్కొన్నారు. హైకోర్టు రిజిస్ట్రార్ జనరల్ ఈ మేరకు ఉత్తర్వులు జారీచేశారు. దిగువ న్యాయస్థానాల్లోని అన్ని జిల్లా కోర్టులు, సీనియర్ సివిల్ జడ్జి కోర్టులకు గతంలో మే 14 నుంచి జూన్ 11 వరకు వేసవి సెలవులు ప్రకటించారు. తాజాగా మే 10 నుంచి జూన్ 8 వరకు సెలవులుగా పేర్కొన్నారు. గతంలో జూనియర్ సివిల్ జడ్జి కోర్టులకు మే 21 నుంచి జూన్ 11 వరకు సెలవులు ప్రకటించగా.. తాజా నిర్ణయం ప్రకారం మే 17 నుంచి జూన్ 8 వరకు సెలవులు ఇచ్చారు.

ఇదీ చదవండి:ధూళిపాళ్ల నరేంద్రకు కరోనా పాజిటివ్​