శ్రీశైలం రిజర్వాయర్ నుంచి ఎత్తిపోతల ద్వారా రాయలసీమ ప్రాంతానికి నీటిని తరలించే రాయలసీమ ఎత్తిపోతల పథకం టెండర్లను జలవనరుల శాఖ ఖరారు చేసింది. రివర్స్ ఆక్షన్ అనంతరం రూ.3,307.07 కోట్లకు బిడ్లను ఖరారు చేశారు. ఈమేరకు పశ్చిమబంగాల్కు చెందిన ఎస్పీఎంఎల్ ఇన్ఫ్రా లిమిటెడ్ కలిసి సుభాష్ ప్రాజెక్ట్స్ లిమిటెడ్ బిడ్ను దక్కించుకుంది. ప్రభుత్వం పిలిచిన ధర కంటే 0.88 శాతం అధికంగా ఈ బిడ్ ఖరారైంది.
రాయలసీమ ఎత్తిపోతల ప్రాజెక్టు నిర్మాణానికి అంచనా వ్యయంగా రూ.3278.18 కోట్లను జలవనరుల శాఖ నిర్ధరించింది. ఎన్సీసీతో పాటు నవయుగ కన్స్ట్రక్షన్స్ సంస్థలు ఈ బిడ్ను దక్కించుకునేందుకు పోటీ పడ్డాయి. తొలుత రూ.3,340 కోట్లతో బిడ్ దాఖలైంది. రివర్స్ ఆక్షన్ అనంతరం రూ.3,307 కోట్లకు బిడ్ ఖరారు చేసినట్లు జలవనరుల శాఖ స్పష్టం చేసింది. ఈ రివర్స్ ఆక్షన్లో అంచనా వ్యయం కంటే నవయుగ 1.40 శాతం మేర మాత్రమే అధికంగా కోట్ చేసి రెండో బిడ్డరుగా నిలిచింది.