తెదేపా జాతీయ ప్రధాన కార్యదర్శి నారా లోకేశ్... మహానాడులో కాస్త డిఫరెంట్గా..కొత్తగా కనిపించారు. లాక్డౌన్ ముందు చూసి..తర్వాత మహానాడులో చూసిన నేతలంతా ఒక్కసారిగా షాక్ అయ్యారు. కారణం..ఆయన ఎక్కువ మొత్తంలో బరువు తగ్గడమే. అందులోనూ ప్రతి ఏడాది జరిగే మహానాడుకు పసుపు చొక్కాలో హాజరయ్యే లోకేశ్...ఈసారి మాత్రం వైట్ షర్ట్ ధరించి వచ్చారు.
నేతల ఆశ్చర్యం....!
లోకేశ్ బరువు తగ్గడంపై నేతలు యనమల, సోమిరెడ్డి, వర్లరామయ్య, అయ్యన్నపాత్రుడు ఆరా తీశారు. లాక్ డౌన్ సమయంలో ఆరోగ్య సూత్రాలు పాటించానని లోకేశ్ వారితో అన్నారు. మూడు నెలల వ్యవధిలో 20 కేజీలు తగ్గడం ఎలా సాధ్యమైందనే దానిపై వివరాలు అడిగి తెలుసుకున్నారు. ప్రతి రోజూ 45 నిమిషాల పాటు నిర్విరామంగా వ్యాయమం, ఆహారపు అలవాట్లలో మార్పు కారణంగా బరువు తగ్గినట్లు లోకేశ్ వెల్లడించారు.
'నైక్' అనే యాప్‌ ద్వారా తన శరీరాకృతికి తగ్గ వ్యాయామ నియమాలు పాటించడంతోపాటు హెచ్‌ఐఐటి (హై ఇంటెన్సిటి ఇంటర్వెల్‌ ట్రైనింగ్) ద్వారా ఇది సాధ్యమైందని వివరించారు. ఎక్కువ కాయగూరలతోపాటు, మితంగా మాంసాహారం తీసుకుంటున్నానన్నారు. ఈ తరహా వర్కౌట్స్‌, డైట్‌ విధానంతోనే కఠోర వ్యాయామం మితాహారంతో తాను స్లిమ్గా మారానన్నారు.