ఒక చోట అప్రమత్తం.. మరో చోట నిర్లక్ష్యం
ప్రపంచాన్ని గజగజవణికిస్తున్న మహమ్మారి కరోనా... మానవాళి మనుగడనే ప్రశ్నార్థకంగా మార్చేసింది. కరోనా వ్యాప్తి నివారణకు రాష్ట్ర ప్రభుత్వం లాక్డౌన్ విధించింది. అయితే ఎన్ని ఆంక్షలు ఉన్నా.. పోలీసులు కఠినంగా వ్యవహరిస్తున్నా.. కొంతమంది నిర్లక్ష్యంతో రోడ్డెక్కుతున్నారు. కొందరిది అవగాహన లోపమైతే.. మరికొందరిది బాధ్యతా రాహిత్యంగా కనిపిస్తోంది. దీని వల్ల వైరస్ వ్యాప్తిని నియంత్రించాలన్న ప్రభుత్వ లక్ష్యం దెబ్బతింటోంది.
లాక్డౌన్ ఉన్నా.. మన్యంలో జన జాతర
కరోనా దృష్ట్యా ప్రభుత్వం లాక్డౌన్ విధించినా విశాఖ ఏజెన్సీ మారుమూల జి.మాడుగుల మండలం మద్దిగరువు కొండలపై గుహలో రాస కొండమ్మ జాతర జరిగింది. అవగాహన లోపం వల్ల వందలాది మంది జాతరకు వచ్చి అమ్మవారిని దర్శించుకున్నారు. అనంతరం నిబంధనలు ఉన్నాయని తెలిసి అక్కడి నుంచి వెళ్లిపోయారు.
గ్రామీణుల స్వీయ నిర్బంధం