చైనాలో తెలుగు విద్యార్థుల సెల్ఫీ వీడియో
చైనాలోని వుహాన్ నగరంలో చిక్కుకుపోయిన తెలుగు ఇంజినీరింగ్ విద్యార్థులు సెల్ఫీ వీడియో విడుదల చేశారు. తాము క్షేమంగా ఉన్నామని.. తమను ఎవరు అక్కడ బంధించలేదని పేర్కొన్నారు. సమయానికి ఆహారం, నీళ్లు అందిస్తున్నారని చెప్పారు. మూడు పూటలా తమ శరీర ఉష్ణోగ్రతను పరిశీలిస్తున్నారని తెలిపిన విద్యార్థులు...కంపెనీ తమని బాగా చూసుకుంటోందని వెల్లడించారు. ఎలాంటి పుకార్లు నమ్మవద్దని తెలిపారు. బీజింగ్ లో ఉన్న భారత రాయబార కార్యాలయంతో సంప్రదింపులు జరుపుతున్నారని వారు స్పష్టం చేశారు. త్వరలోనే ఇండియాకు వచ్చేస్తామని విద్యార్థులు స్పష్టం చేశారు.