రాష్ట్రంలో రేపు రెండో విడత పంచాయతీ ఎన్నికలు జరగనున్నాయి. 13 జిల్లాలు, 18 రెవెన్యూ డివిజన్లు, 167 మండలాల్లో ఎన్నికలు నిర్వహించనున్నారు. శనివారం ఉదయం 6.30 గంటల నుంచి మధ్యాహ్నం 3.30 గంటల వరకు పోలింగ్ జరగనుంది.
3,328 పంచాయతీలు, 33,570 వార్డుల్లో ఎన్నికలు జరుగుతాయి. రెండో విడతలో 539 పంచాయతీలు, 12,605 వార్డులు ఏకగ్రీవం అయ్యాయి. మిగతా 2,786 పంచాయతీలు, 20,796 వార్డుల్లో ఎన్నికలు జరగనున్నాయి. పంచాయతీల్లో 7,510 మంది, వార్డుల్లో 44,879 మంది పోటీపడుతున్నారు.