ఓటుకు నోటు కేసు నిందితులపై.. పలు సెక్షన్ల కింద అనిశా అభియోగాలు

ఓటుకు నోటు కేసు నిందితులపై.. అవినీతి నిరోధక శాఖ పలు చట్టాల కింద అభియోగాలు నమోదు చేసింది. వాటిలో వాస్తవాలు లేవని నిందితులు తోసిపుచ్చారు.

ఓటుకు నోటు కేసులో నిందితులు రేవంత్​ రెడ్డి, ఉదయ్​ సింహా, సెబాస్టియన్​లపై అనిశా కోర్టు అభియోగాలు నమోదు చేసింది. నిందితులపై అవినీతి నిరోధక చట్టంలోని సెక్షన్ 12 నమోదు చేసింది. రేవంత్ రెడ్డి, ఇతరులపై ఐపీసీ 120బి రెడ్ విత్ 34 అభియోగం నమోదైంది.

తమపై అభియోగాల్లో నిజం లేదని రేవంత్​తో పాటు ఇతర నిందితులు తోసిపుచ్చారు. సండ్ర వెంకటవీరయ్యపై గతంలోనే కోర్టు అభియోగాలు నమోదు చేసింది. ఈనెల 19న సాక్షుల విచారణ షెడ్యూలు ఖరారు చేస్తామని అనిశా కోర్టు వెల్లడించింది.

ఇదీ చదవండి: