గాంధీ ఆస్పత్రిలో అత్యాచార ఘటన
సంచలనం రేపిన హైదరాబాద్ గాంధీ ఆస్పత్రిలో అత్యాచార కేసులో పోలీసులు పురోగతి సాధించారు. ఆరోపణల తర్వాత కనిపించకుండా పోయిన ఆస్పత్రి భద్రతా సిబ్బంది విజయ కిశోర్ను అదుపులోకి తీసుకొని విచారించగా కొన్ని విషయాలు వెల్లడించాడు. తాను మహిళపై అత్యాచారం చేయలేదని.. మహిళ అంగీకారంతోనే శారీరకంగా కలిసినట్లు సెక్యూరిటీ గార్డు విజయ కిశోర్ పోలీసులకు తెలిపాడు. గత నెల 27న గాంధీలో సెక్యూరిటీ గార్డుగా చేరినట్లు పోలీసులకు విచారణలో చెప్పాడు. గాంధీ ఆస్పత్రి ఘటనలో అదృశ్యమైన మహిళను హిమాయత్‌నగర్‌లో గుర్తించారు. ఓ మెడికల్ దుకాణం వద్ద సంచరిస్తుండగా నారాయణగూడ పోలీసులు గుర్తించి అదుపులోకి తీసుకొని విచారించగా.. గాంధీ ఆస్పత్రిలో జరిగిన ఘటన గురించి చెప్పినట్లు వెల్లడించారు.