తెలుగు ఘనతను.. భాషాభిమానులు మరింత పెంచాలని సినీ గేయ రచయిత సిరివెన్నెల సీతారామశాస్త్రి కోరారు. అంతర్జాతీయ మాతృభాషా దినోత్సవం సందర్భంగా సినీనటుడు అప్పాజీ అంబరీష రూపొందించిన... వేటూరి, సిరివెన్నెల తెలుగు యూనికోడ్ ఫాంట్స్ను సీతారామశాస్త్రి లాంఛనంగా ఆవిష్కరించారు.
రచయితగా అర్హత సంపాదించడానికి కారణమైన తన గురువు వేటూరి పేరుతో తెలుగు ఫాంట్స్ తయారు చేయడం ఎంతో ఆనందంగా ఉందన్న సిరివెన్నెల... తెలుగు ఫాంట్స్ ఎంత ఎక్కువగా వినియోగిస్తే భాష అంత అందంగా తయారవుతుందని చెప్పారు. క్రౌడ్ ఫండింగ్ ద్వారా యూనికోడ్లో 30కి పైగా తెలుగు ఫాంట్స్ తయారు చేసిన నటుడు అంబరీషను అభినందించారు. ఆంగ్లంతో పోటీపడేలా 100కు పైగా తెలుగు ఫాంట్స్ తయారు చేయాలని, ఇందుకు తనతోపాటు భాషాభిమానులంతా అంబరీష్కు సహకరిస్తామన్నారు.