రాజధాని అమరావతి వ్యహారంలో పాలన వికేంద్రీకరణ, సీఆర్డీఏ రద్దు చట్టాలపై దాఖలైన వ్యాజ్యాల తుది విచారణను ప్రత్యక్ష ప్రసారం చేసేందుకు వీలుగా ఆదేశాలు జారీచేయాలని కోరుతూ హైకోర్టులో పిల్ దాఖలైంది. బెనారస్ హిందూ విశ్వవిద్యాలయంలో ఎల్ఎల్ఎం అభ్యసిస్తున్న విజయవాడవాసి వేమూరు లీలాకృష్ణ ఈ వ్యాజ్యాన్ని దాఖలు చేశారు.
హైకోర్టు రిజిస్ట్రార్ జనరల్, ఏపీ హైకోర్టు బార్ అసోసియేషన్ కార్యదర్శిని వ్యాజ్యంలో ప్రతివాదులుగా పేర్కొన్నారు. ఈ వ్యాజ్యాలతో రాష్ట్ర ప్రజల ప్రయోజనాలు ముడిపడి ఉన్నాయని చెప్పారు. అందువల్ల వాటి విచారణను ప్రత్యక్ష ప్రసారం చేయడం ద్వారా కోర్టుపై బురద జల్లేందుకు వీల్లేకుండా చేసినట్లు అవుతుందని పేర్కొన్నారు.