మద్యం ధరల పెంపుపై హైకోర్టులో వ్యాజ్యం

మద్యం ధరల పెంపుపై ప్రభుత్వ నిర్ణయాన్ని సవాలు చేస్తూ... ఒంగోలులోని రెండు బార్​ల యజమానులు హైకోర్టులో వ్యాజ్యం దాఖలు చేశారు. ఈ నెల 22న జారీచేసిన జీవో 471ను రద్దు చేయాలని అభ్యర్థించారు.

మద్యం ధరల పెంపునకు ప్రభుత్వం తీసుకున్న నిర్ణయాన్ని సవాలు చేస్తూ హైకోర్టులో పిటిషన్ దాఖలైంది. సర్కారు నిర్ణయం వల్ల బార్​లు నష్ట పోవాల్సి వస్తోందంటూ...ప్రకాశం జిల్లా ఒంగోలులోని మేఘన, సరిగమ బార్​ల యజమానులు హైకోర్టులో వ్యాజ్యం దాఖలు చేశారు. ధరల పెంపునకు ఉద్దేశించి రెవెన్యూ, ఎక్సైజ్ శాఖ ప్రత్యేక ప్రధాన కార్యదర్శి ఈ నెల 22న జారీచేసిన జీవో 471ను రద్దు చేయాలని అభ్యర్థించారు. ఎక్సైజ్ శాఖ కమిషనర్, ప్రకాశం జిల్లా ఎక్సైజ్ సూపరింటెండెంట్, ఏపీ బేవరేజెస్ కార్పోరేషన్ లిమిటెడ్ ఎండీని వ్యాజ్యంలో ప్రతివాదులుగా చేర్చారు.