'సర్కారువారి పాట' సినిమాకు టికెట్ ధర పెంచుకునేందుకు ప్రభుత్వం అనుమతి ఇచ్చింది. 10 రోజులపాటు టికెట్‌పై రూ.45 పెంచుకునేందుకు ప్రభుత్వం అవకాశం కల్పించింది. ఈ మేరకు ప్రభుత్వ ఉత్తర్వులు జారీ అయ్యాయి.
సూపర్స్టార్ మహేశ్బాబు నటించిన 'సర్కారు వారి పాట' మే 12న విడుదల కానుంది. ఇప్పటికే సినిమా నుంచి విడుదలైన ట్రైలర్లో మహేశ్ క్లాస్‌ అండ్‌ మాస్‌ లుక్స్‌, ఆయన చెప్పిన డైలాగ్స్‌ అభిమానులను హుషారెత్తించేలా ఉన్నాయి. ఈ ట్రైలర్లో చూపించిన సన్నివేశాల్ని బట్టి యాక్షన్‌, కామెడీ, లవ్‌.. ఇలా అన్ని రకాల ఎమోషన్స్‌తో సినిమా రూపొందినట్టు తెలుస్తోంది. ఈ సినిమాను పరశురామ్‌ తెరకెక్కించగా.. కీర్తి సురేశ్ హీరోయిన్గా నటించింది. నవీన్‌ యెర్నేని, వై. రవిశంకర్‌, రామ్‌ ఆచంట, గోపీచంద్‌ ఆచంట సంయుక్తంగా నిర్మించిన ఈ సినిమాకు తమన్‌ సంగీతం అందించారు.