మూడోదశ ఫలితాలపై పవన్ కల్యాణ్ సమావేశం
గ్రామపంచాయతీలు యాచించే స్థాయి నుంచి శాసించే స్థాయికి ఎదిగేలా జనసేన కృషి చేస్తుందని ఆ పార్టీ అధ్యక్షుడు పవన్‌కల్యాణ్‌ తెలిపారు. మూడో విడతలో జనసేన దాదాపు 23శాతం ఓటింగ్‌ శాతం సాధించి 270కి పైగా పంచాయతీల్లో సర్పంచ్, ఉప సర్పంచ్ పదవులు దక్కించుకుందని చెప్పారు. ఇది మార్పునకు సంకేతమని అభిప్రాయపడ్డారు. మైసూరువారిపల్లి పంచాయతీ సర్పంచ్‌గా దేశం కోసం ప్రాణాలు అర్పించిన సైనికుని భార్య సంయుక్త గెలుపొందడం చాలా ఆనందాన్ని కలిగించిందిన్నారు. అధికార పార్టీ ప్రలోభాలకు ఎదురొడ్డి నిలిచిన యువత, ఆడపడుచులు... నాలుగో విడతలోనూ అదే స్ఫూర్తిని ప్రదర్శించాలని కోరారు.