అమానుషం.. కన్నకూతురిపై మూడేళ్లుగా తండ్రి అత్యాచారం

Cruel Father: కామంతో కళ్లు మూసుకుపోయి.. కన్నకూతురన్న విషయాన్ని మరిచాడు. రక్తం పంచుకుపుట్టిన కూమార్తె పట్ల రాక్షసుడిలా మారాడు. తండ్రి అనే పదమే చీదరించుకునేలా తోడేలై ప్రవర్తించాడు. కాపాడాల్సినవాడే కామాంధుడై కాటేశాడు. అన్నింటా తోడుంటాననే నమ్మకాన్ని ఇవ్వాల్సిన నాన్నే.. నరరూప మృగాడై నరకం చూపించాడు. తండ్రీకూతుళ్ల బంధమే కన్నీళ్లు పెట్టుకునే ఈ అమానవీయ ఘటన తెలంగాణలోని వికారాబాద్ జిల్లా మర్పల్లి పోలీస్‌ స్టేషన్‌ పరిధిలో చోటు చేసుకుంది.

కన్న కూతురిపై అత్యాచారానికి పాల్పడుతున్న నిందితుడిని పోలీసులు అరెస్టు చేశారు. తెలంగాణలోని వికారాబాద్ జిల్లా మర్పల్లి పోలీస్‌ స్టేషన్‌ పరిధిలో ఈ సంఘటన చోటు చేసుకుంది. డీఏస్పీ సత్యనారాయణ, సీఐ వెంకటేశం తెలిపిన వివరాల ప్రకారం.. మండలంలోని ఓ కుగ్రామానికి చెందిన నిందితుడు మూడు పెళ్లిళ్లు చేసుకున్నాడు. మొదటి ఆమెతో విడిపోగా రెండో భార్య చనిపోయింది. మూడో సంబంధానికి ఓ కుమారుడు, కుమార్తె. భార్యకు మతిస్థిమితం లేదు. కుమార్తె (15)పై మూడేళ్లుగా లైంగిక దాడికి పాల్పడుతున్నాడు. ఈ విషయాన్ని కుటుంబంతో పరిచయం కొనసాగిస్తున్న నిందితుడి మొదటి భార్యకు బాధితురాలు ఫోన్‌ చేసి చెప్పింది. ఆమె సూచనతో డయల్‌ 100కు సమాచారం ఇచ్చింది. పోలీసులు స్పందించి తండ్రిని సోమవారం రిమాండ్‌కు తరలించినట్లు డీఏస్పీ తెలిపారు.

ఇదీ చదవండి:Tirumala: తిరుమల శ్రీవారి ఆలయంలో కోయిల్‌ ఆళ్వార్‌ తిరుమంజనం