అమరావతి మద్దతుగా.. లండన్లో ప్రవాసాంధ్రుల నిరసన
అమరావతినే రాజధానిగా కొనసాగించాలంటూ లండన్లో పలువురు ప్రవాసాంధ్రులు నిరసన వ్యక్తం చేశారు. ఐరోపా ప్రవాసాంధ్రుల ఆధ్వర్యంలో లండన్ పార్లమెంటు స్క్వేర్ వద్ద ఆందోళన తెలిపారు. అమరావతి రైతుల పోరాటానికి సంఘీభావం తెలుపుతూ... '3 రాజధానులు వద్దు - అమరావతే ముద్దు' అంటూ గాంధీ విగ్రహం ఎదుట నినాదాలు చేశారు. ‘'ఒకే రాష్ట్రం-ఒకే రాజధాని'' అని రాసి ఉన్న ప్లకార్డులు ప్రదర్శించారు.