RRR art: ముక్కుతో ఆ ముగ్గురి చిత్రాలు గీశాడు!

RRR Movie : ఆర్​ఆర్​ఆర్​ చిత్ర విడుదల సందర్భంగా అభిమానుల్లో పండగ వాతావరణం నెలకొంది. పలు రకాలుగా తమ అభిమానాన్ని చాటుతూ.. సందడి చేస్తున్నారు. చిత్రయూనిట్​కు శుభాకాంక్షలు చెబుతున్నారు. అయితే ఓ చిత్రకారుడు మాత్రం వినూత్నంగా శుభాకాంక్షలు చెప్పాడు. ముక్కుతోనే ముగ్గురి చిత్రాలు వేసి అదరహో అనిపించాడు.

RRR Movie : దర్శకధీరుడు రాజమౌళి తెరకెక్కించిన 'ఆర్​ఆర్​ఆర్' విడుదల సందర్భంగా.. హైదరాబాద్​కు చెందిన ఓ చిత్రకారుడు.. RRR చిత్ర బృందానికి వినూత్నంగా ఆల్​ది బెస్ట్​ తెలిపాడు. నిజాంపేట్​కు చెందిన సద్గురు ది స్కూల్ అఫ్ ఆర్ట్స్ వ్యవస్థాపకుడు... ప్రముఖ నాసికా చిత్రకారుడు సత్యవోలు రాంబాబు.. ముక్కుతో సినిమా డైరెక్టర్ రాజమౌళి, హీరోలు జూనియర్ ఎన్టీఆర్, రాంచరణ్ చిత్రాలను గీసి, యూనిట్​కి శుభాకాంక్షలు తెలియజేశారు.

తెలుగు చిత్రాన్ని అంతర్జాతీయ స్థాయికి తీసుకువెళ్లిన రాజమౌళిని అభినందిస్తూ.. వారి అంకితభావాన్ని ప్రశంసిస్తూ ఈ చిత్రాన్ని వేసినట్టు తెలిపారు. నటులుగా తమ ప్రతిభతో కోట్లాది ప్రేక్షకులను పొందిన జూనియర్ ఎన్టీఆర్, రాంచరణ్​ను అభినందించారు. అంతర్జాతీయంగా ఈ సినిమా విజయవంతం కావాలని.. కష్టతరమైనా ఇష్టంగా ఈ చిత్రాన్ని చిత్రించినట్లు రాంబాబు తెలిపారు.

ఇదీ చూడండి:సూక్ష్మరూపంలో RRR సినిమా పేరు.. ఎవరికోసమో తెలుసా?