Lokesh On HSBC: 3 రాజధానుల పేరుతో చేసిన మోసం చాలు.. అభివృద్ధిపై దృష్టి పెట్టండి - లోకేశ్‌

Lokesh On HSBC: రాష్ట్ర ప్రభుత్వంపై నారా లోకేశ్ విమర్శలు గుప్పించారు. 15 ఏళ్ళ నుంచి ఉత్తరాంధ్ర యువతకి వేలాదిగా ఉద్యోగ అవకాశాలు కల్పించిన హెచ్‌ఎస్‌బీసీ మూతపడటం బాధాకరమన్నారు. 3 రాజధానుల పేరుతో చేసిన మోసం చాలు అన్న లోకేష్ విశాఖని దోచుకోవడం ఆపి అభివృద్ధిపై దృష్టి సారించాలని హితవు పలికారు.

Lokesh On HSBC: సబ్జెక్ట్ లేని సీఎం 3 రాజధానులు అంటూ కాలక్షేపం చేస్తుంటే కంపెనీలన్నీ ఇతర రాష్ట్రాలకు క్యూ కడుతున్నాయని తెదేపా జాతీయ ప్రధాన కార్యదర్శి నారా లోకేష్ విమర్శించారు. తెదేపా హయాంలో ఆర్థిక రాజధానిగా, ఐటీ హబ్ గా మారిన విశాఖ ఇప్పుడు వెలవెలబోతోందని ధ్వజమెత్తారు. 15 ఏళ్ళ నుంచి ఉత్తరాంధ్ర యువతకి వేలాదిగా ఉద్యోగ అవకాశాలు కల్పించిన హెచ్‌ఎస్‌బీసీ మూతపడటం బాధాకరమన్నారు.

రాష్ట్ర ప్రభుత్వం నియంత నిర్ణయాలు, బెదిరింపులకు భయపడి ఇప్పటికే అనేక కంపెనీలు సైలెంట్ గా ఇతర రాష్ట్రాలకు తరలిపోయాయని లోకేశ్ మండిపడ్డారు. ఇప్పుడు విశాఖకే తలమానికంగా నిలిచిన హెచ్‌ఎస్‌బీసీ కూడా మూతపడటం రాష్ట్ర ప్రభుత్వ అసమర్ధతకు నిదర్శనమని ఆగ్రహం వ్యక్తం చేశారు. మూడు రాజధానుల పేరుతో చేసిన మోసం చాలు అన్న లోకేష్ విశాఖని దోచుకోవడం ఆపి అభివృద్ధిపై దృష్టి సారించాలని హితవు పలికారు. ఉన్న కంపెనీలు ఇతర రాష్ట్రాలకు వెళ్లిపోకుండా చూడాలని కోరారు.

మన సైనికులు మట్టి కరిపించారు - లోకేశ్

విజయ్ దివస్ సందర్భంగా దేశం కోసం ప్రాణాలు త్యాగం చేసిన వీరులకు తెదేపా జాతీయ ప్రధాన కార్యదర్శి నారా లోకేశ్‌ జోహార్లర్పించారు. ప్రపంచం మొత్తానికి భారత దేశ సైనికుల శౌర్యం, పరాక్రమం గురించి తెలిసేలా సాధించిన విజయానికి 50 ఏళ్లని గుర్తు చేశారు. పాక్ దుస్సాహసాన్ని ధీటుగా ఎదుర్కొని కేవలం 13 రోజుల్లో పాకిస్థాన్ సైన్యాన్ని మన సైనికులు మట్టి కరిపించారని కొనియాడారు. శత్రువుల వెన్నులో వణుకు పుట్టేలా చేసిన హీరోల సాహసం సదాస్మరణీయమని లోకేశ్‌ పేర్కొన్నారు.

ఇదీ చదవండి: