అవ్వా తాతల్ని జగన్ ఇంకా ఎంత కాలం మోసం చేస్తారని తెదేపా జాతీయ ప్రధాన కార్యదర్శి నారా లోకేశ్ నిలదీశారు. పెన్షన్ మూడువేలకు పెంచుకుంటూ పోతామ‌ని.. 250 రూపాయలు మాత్రమే పెంచి ఆగిపోయారని అన్నారు. ఒక‌టో తారీఖునే త‌లుపులు విర‌గ్గొట్టి మ‌రీ పెన్షన్ గ‌డ‌ప‌కే ఇస్తామ‌న్న ప్రగ‌ల్భాలు ఏమ‌య్యాయని ధ్వజమెత్తారు. 1వ తేదీ 5 ల‌క్షల మందికి పైగా పింఛన్లు అంద‌లేదని ఆక్షేపించారు. ప్రతీనెలా టెక్నిక‌ల్ ప్రాబ్ల‌మేనా లేక అప్పు దొర‌క‌డంలేదా అని నిలదీశారు.
ఇవ్వాల‌నే మ‌న‌సుండాలే కానీ, తమ ద‌గ్గరే ల‌క్షల కోట్లు మూలుగుతున్నాయని దుయ్యబట్టారు. వాళ్లనీ, వీళ్లనీ అప్పులు అడ‌గ‌డం ఏమీ బాలేదని.. ఒక్క నెల జే ట్యాక్స్‌లో 10 శాతం వెచ్చిస్తే అంద‌రికీ పింఛన్లు ఇచ్చేయొచ్చని ఎద్దేవాచేశారు. క్విడ్‌ప్రోకో ద్వారా కూడ‌గ‌ట్టిన అక్రమాస్తులలో 1 శాతం అమ్మితే ఏపీ అప్పుల‌న్నీ తీరిపోతాయని తెలిపారు. పింఛన్లు లేటు చేస్తే, పెంపు గురించి అడ‌గర‌నే లాజిక్‌ అమలు చేస్తున్నారన్నారు. అందుకే... పింఛన్ ఇచ్చే ఒక‌టో తేదీని జగన్ రెడ్డి, అలా అలా పెంచుకుంటూ పోతున్నారా అని దుయ్యబట్టారు.
ముసలి వాళ్లను మోసం చేసిన ఘనత జగన్ దే: డోలా బాల వీరాంజేయస్వామి