Nara Lokesh: కర్నూలు మేయర్​పై... నారా లోకేశ్​ ఆగ్రహం

Nara Lokesh: మీడియాపై కర్నూలు మేయర్​ చేసిన వ్యాఖ్యలను తెదేపా జాతీయ కార్యదర్శి లోకేశ్​ తీవ్రంగా ఖండించారు. తక్షణమే మీడియాకు క్షమాపణ చెప్పాలని డిమాండ్​ చేశారు.

Nara Lokesh: మీడియాను ఉద్దేశించి కర్నూలు నగర మేయర్‌ చేసిన అనుచిత వ్యాఖ్యలపై తెలుగుదేశం జాతీయ ప్రధాన కార్యదర్శి లోకేశ్‌ మండిపడ్డారు. ఇదేం రౌడీయిజమని నిలదీశారు. అధికారం మత్తులో నోరు పారేసుకోవద్దని హెచ్చరించారు. వైకాపా నాయకుల... వీపులు విమానం మోత మోగించేందుకు రాష్ట్రంలోని ఓటర్లు ఎదురు చూస్తున్నారని అన్నారు. మీడియాకు క్షమాపణ చెప్పాలని లోకేశ్​ డిమాండ్‌ చేశారు.

మేయర్​ ఏమన్నారంటే..: "సామాజిక న్యాయభేరి బస్సు యాత్ర వచ్చిన సమయంలో ‘మధ్యాహ్నం ఎండ ఉందని నీడచాటుకు ప్రజలు వెళితే ఎవరూ లేరంటూ ఫొటోలు తీసి కొన్ని పత్రికలు పనిగట్టుకుని ప్రచారం చేశాయి. ఆ పత్రికల విలేకరుల వీపులు వాయగొడతాం జాగ్రత్త..." అని కర్నూలు నగర మేయర్‌ బీవై రామయ్య హెచ్చరించారు.

ఇవీ చదవండి: