ఆంధ్రప్రదేశ్

andhra pradesh

ETV Bharat / city

టెన్నిస్ క్రీడాకారిణి నైనా జైస్వాల్ ఫేస్​బుక్ అకౌంట్​ హ్యాక్ - నైనా జైస్వాల్ ఫేస్​బుక్ హ్యాక్.. పోలీసులకు ఫిర్యాదు

హ్యాకర్లు రోజురోజుకీ రెచ్చిపోతున్నారు. ఎంతటి ప్రముఖుల ఖాతాలనైనా ఇట్టే హ్యాక్​ చేసేస్తున్నారు. తాజాగా టేబుల్​ టెన్నిస్​ క్రీడాకారిణి నైనా జైస్వాల్​ ఫేస్​బుక్​ అకౌంట్​ను గుర్తు తెలియని దుండగులు హ్యాక్​ చేశారు. తన ప్రమేయం లేకుండా తన పేజీలో కొన్ని వీడియోలు అప్​లోడ్​​ అయినట్టు నైనా జైస్వాల్​ ఫిర్యాదులో పేర్కొన్నారు.

naina jaiswal
టెన్నిస్ క్రీడాకారిణి నైనా జైస్వాల్ ఫేస్​బుక్ హ్యాక్

By

Published : Feb 26, 2020, 9:27 PM IST

వివరాలు వెల్లడిస్తోన్న ఏసీపీ కేవీఎం ప్రసాద్​

తన ఫేస్‌బుక్ ఖాతా హ్యాక్ అయిందని ప్రముఖ టేబుల్ టెన్నిస్ క్రీడాకారిణి నైనా జైస్వాల్ హైదరాబాద్ సైబర్ క్రైం పోలీసులకు ఫిర్యాదు చేశారు. తన ప్రమేయం లేకుండా తన ఫేస్​బుక్​ పేజీలో పోస్టులు అప్​లోడ్​ అవ్వడం వల్ల అకౌంట్ హ్యాక్ అయినట్టు గ్రహించానని నైనా జైస్వాల్ తెలిపారు.

హ్యాకర్స్ పాస్​వర్డ్ మార్చేసి కొన్ని వీడియోలు అప్‌లోడ్ చేశారని ఆమె ఫిర్యాదులో పేర్కొన్నారు. ఐయామ్ నైనా జైస్వాల్ పేరుతో ఫేస్​బుక్ అకౌంట్​ను కొనసాగిస్తున్నట్టు…అందులో 2 లక్షల మంది ఫాలోవర్స్ ఉన్నట్టు ఆమె ఏసీపీ కేవీఎం ప్రసాద్​కు తెలిపారు. సెలబ్రెటీల అకౌంట్​లను సైబర్ నేరగాళ్లు టార్గెట్ చేస్తారని… తిరిగి వారి అకౌంట్ వారికి అప్పగించేందుకు డబ్బులు డిమాండ్ చేస్తుంటారని ఏసీపీ అన్నారు. దీనిపై కేసు నమోదు చేసుకుని దర్యాప్తు చేస్తున్నట్లు తెలిపారు.

ఇవీ చూడండి:

మత్స్యశాఖలో అనిశా వలకు చిక్కిన అవినీతి చేప

ABOUT THE AUTHOR

...view details