రఘురామకృష్ణరాజును అరెస్టు చేయొద్దు : హైకోర్టు

వైకాపా ఎంపీ రఘురామకృష్ణరాజుపై దాఖలైన ఎఫ్ఐఆర్‌లు కొట్టేయాలన్న పిటిషన్‌పై హైకోర్టులో విచారణ జరిగింది. రఘురామకృష్ణరాజును అరెస్టు చేయొద్దని ఉన్నత న్యాయస్థానం మధ్యంతర ఉత్తర్వులు జారీ చేసింది. తదుపరి విచారణ సోమవారానికి హైకోర్టు వాయిదా వేసింది.

వైకాపా ఎంపీ రఘురామకృష్ణరాజుకు హైకోర్టులో ఊరట లభించింది. ఆయనపై నమోదు చేసిన కేసుల్లో ఈనెల 22 వరకు అరెస్ట్​తో పాటు ఇతర తొందరపాటు చర్యలొద్దని పోలీసులను హైకోర్టు ఆదేశించింది. హైకోర్టు న్యాయమూర్తి జస్టిస్ సీహెచ్ మానవేంద్రనాథ్ రాయ్ ఈ మేరకు ఆదేశాలిచ్చారు. మత విద్వేషాలు రెచ్చగొట్టేలా మాట్లాడారని అందిన ఫిర్యాదు ఆధారంగా పశ్చిమగోదావరి జిల్లా నర్సాపూర్ గ్రామీణ ఠాణాతో పాటు వివిధ పోలీసు స్టేషన్లలో ఎంపీపై కేసులు నమోదు అయ్యాయి.

ఆ కేసుల్ని కొట్టేయాలని కోరుతూ ఎంపీ రఘురామకృష్ణ రాజు హైకోర్టును ఆశ్రయించారు. సీనియర్ న్యాయవాది ఎస్ఎన్ ప్రసాద్ స్పందిస్తూ.. ఈ వ్యాజ్యాల్లో పోలీసుల తరఫున తాను ప్రత్యేక పబ్లిక్ ప్రాసిక్యూటర్​గా నియామకం కానున్నానని, త్వరలో జీవో విడుదల కానుందని కోర్టుకు తెలిపారు. తదుపరి విచారణను సోమవారానికి వాయిదా వేశారు.

ఇదీ చదవండి:శాసనసభ్యులు, అసెంబ్లీ ఉద్యోగులకు కరోనా వ్యాక్సినేషన్