అల్పపీడన ప్రభావంతో తెలంగాణ రాష్ట్రంలో రాగల రెండు రోజుల పాటు తేలికపాటి నుంచి మోస్తరు వర్షాలు కురిసే అవకాశం ఉందని హైదరాబాద్‌ వాతావరణ కేంద్రం వెల్లడించింది. నిన్న ఆగ్నేయ బంగాళా ఖాతం పరిసర ప్రాంతాలలోని శ్రీలంక, తమిళనాడు తీరాల్లో ఉన్న అల్పపీడనం ఈ రోజు అదే ప్రదేశంలో కొనసాగుతుందని ప్రకటించింది.
ఈ అల్పపీడనానికి అనుబంధంగా ఉన్న ఉపరితల ఆవర్తనం కూడా సగటు సముద్ర మట్టానికి సుమారు 3.1 కిలోమీటర్ల ఎత్తు వరకు వ్యాపించి స్థిరంగా కొనసాగుతోందన్నారు. ఇది రాగల 3 నుంచి 4 రోజులలో పశ్చిమ దిశగా ప్రయాణించే అవకాశం ఉన్నట్లు ఒక ప్రకటనలో పేర్కొంది.