వైకాపా సర్కార్​ వ్యవస్థల గొంతు నొక్కింది: రామానాయుడు

శాసనమండలి రద్దు నిర్ణయాన్ని వ్యవస్థలపై హత్యాయత్నంగా తెదేపా అభివర్ణించింది. ముఖ్యమంత్రి జగన్‌ చర్యతో అర్ధబలం, అంగబలం లేని బడుగు, బలహీన వర్గాల గొంతు వినిపించేందుకు అవకాశం లేకుండా పోయిందని ఆ పార్టీ శాసనసభ్యుడు నిమ్మల రామానాయుడు ఆవేదన వ్యక్తం చేశారు. బీసీలకు న్యాయం చేస్తానని ప్లీనరీలో ఇచ్చిన హామీకి జగన్​ తూట్లు పొడిచారని ఆక్షేపించారు. బీసీ, ఎస్సీ, ఎస్టీలు ఎవరూ సీఎం జగన్‌ను క్షమించరని హెచ్చరించారు. ప్రలోభపెట్టి తెదేపా ఎమ్మెల్సీలు, ఎమ్మెల్యేలను లాక్కున్నారని ఎమ్మెల్యే ఆరోపించారు.

.