తెలంగాణలోని మహబూబ్నగర్ జిల్లా దేవరకద్రలో ఓ పెళ్లికి వెళ్లాడు ఆ రాష్ట్ర ఎక్సైజ్ శాఖమంత్రి శ్రీనివాస్ గౌడ్. బంధువుల వివాహమే కావడం వల్ల అందరితో సరదాగా గడిపారు. అంతలోనే కొంతమంది యువకులు వచ్చి సెల్ఫీ కావాలని అడిగారు. మంత్రి కాదనలేక సరేన్నారు. అందరినీ ఆత్మీయంగా పలకరిస్తూ... సెల్ఫీలకు ఫోజులిచ్చారు. ఆ తర్వాత చూసుకుంటే.. చేతికి కడియం లేదు. ఈ ఆభరణం మంత్రి గారి సెంటిమెంటు అన్నది ఆయన అనుచరుల చెప్పేమాట. దీంతో అక్కడ ఉన్న పోలీసులు, అంగరంగక్షులు మాట పడాల్సి వచ్చింది. ఏం చేస్తారో తెలియదు... ఆ కడియం కావాల్సిందేనంటూ పట్టుబట్టారు. బిత్తరపోయిన పోలీసులు 'బాబ్బాబూ! ఎవరైనా తీసుకుంటే ఇచ్చేయండి మిమ్మల్ని ఏమీ అనం' అంటూ అక్కడకు వచ్చిన వారిని బతిమాలుకోవడం మొదలుపెట్టారు.
తెలంగాణ మంత్రి శ్రీనివాస్ గౌడ్ కడియం మాయం