తూర్పు హైదరాబాద్‌లో లక్ష మంది ఉద్యోగులు పనిచేసేలా కార్యాచరణ: టీఎస్ మంత్రి కేటీఆర్‌

KTR laid foundation stone for Genpact: తూర్పు హైదరాబాద్‌లో లక్ష మంది ఉద్యోగులు పనిచేసేలా కార్యాచరణ రూపొందిస్తున్నట్లు తెలంగాణ ఐటీ, పరిశ్రమల శాఖ మంత్రి కేటీఆర్​ వెల్లడించారు. ఇక్కడ ఐటీ పార్కుల నిర్మాణానికి డెవలపర్లు ముందుకొస్తున్నారని హర్షం వ్యక్తం చేశారు. ఉప్పల్​లో జెన్​ప్యాక్ట్​ సంస్థ విస్తరణకు మంత్రి కేటీఆర్​ శంకుస్థాపన చేశారు.

KTR laid foundation stone for Genpact: హైదరాబాద్‌ నలుదిశలా ఐటీని విస్తరించాలనే లక్ష్యంతో తమ ప్రభుత్వం పనిచేస్తోందని తెలంగాణ ఐటీ, పరిశ్రమల శాఖ మంత్రి కేటీఆర్​ అన్నారు. తూర్పు హైదరాబాద్‌లో లక్ష మంది ఉద్యోగులు పనిచేసేలా కార్యాచరణ రూపొందిస్తున్నట్లు తెలిపారు. ప్రముఖ మల్టీనేషనల్​ కంపెనీ జెన్​ప్యాక్ట్​.. ఉప్పల్​లో తన కార్యాలయాన్ని విస్తరించనుంది. సంస్థ విస్తరణకు మంత్రులు కేటీఆర్‌, మల్లారెడ్డి శంకుస్థాపన చేశారు. సంస్థ విస్తరణతో ఉద్యోగాల కల్పనకు దోహదపడుతున్నందుకు గాను.. జెన్​ప్యాక్ట్​కు కేటీఆర్​ హృదయపూర్వక అభినందనలు తెలియజేశారు. జెన్‌ ప్యాక్ట్ విస్తరణ పూర్తయితే తూర్పు హైదరాబాద్​లో లక్ష ఉద్యోగాల లక్ష్యానికి సమీపిస్తామని కేటీఆర్​ ధీమా వ్యక్తం చేశారు. పశ్చిమ హైదరాబాద్‌కు దీటుగా తూర్పు హైదరాబాద్‌ ఎదుగుతోందని వెల్లడించారు.

"జెన్‌ ప్యాక్ట్‌ సంస్థకు హృదయపూర్వక అభినందనలు. జెన్‌ ప్యాక్ట్ విస్తరణ పూర్తయితే లక్ష ఉద్యోగాల లక్ష్యానికి సమీపిస్తాం. తూర్పు హైదరాబాద్​ అభివృద్ధి కోసం నాగోల్‌లో శిల్పారామం ఏర్పాటు చేశాం. అంతర్జాతీయ క్రికెట్‌ స్టేడియం ఈ ప్రాంతంలోనే ఉంది. ఉప్పల్‌ నుంచి నారాపల్లి దాకా స్కైవే నిర్మాణం జరుగుతోంది. ఇక్కడ ఐటీ పార్కుల నిర్మాణానికి డెవలపర్లు ముందుకొస్తున్నారు. ప్రైవేటు డెవలపర్లకు ప్రభుత్వం తప్పకుండా మద్దతిస్తుంది." -కేటీఆర్​, ఐటీ, పరిశ్రమల శాఖ మంత్రి

తూర్పు హైదరాబాద్​లో ఐటీ పార్కుల నిర్మాణానికి డెవలపర్లు ముందుకొస్తున్నారని కేటీఆర్​ హర్షం వ్యక్తం చేశారు. ప్రైవేటు డెవలపర్లకు ప్రభుత్వం తప్పకుండా మద్దతిస్తుందని భరోసా ఇచ్చారు. జెన్​ప్యాక్ట్‌ను వరంగల్‌లోనూ విస్తరిస్తున్నందుకు ధన్యవాదాలు తెలిపారు. కార్యక్రమంలో జెన్​ప్యాక్ట్‌ ప్రతినిధులు, పలువురు ప్రజాప్రతినిధులు పాల్గొన్నారు.

ఇదీ చదవండి:CPI Narayana on Union Government: కేసీఆర్​లా జగన్ కూడా పోరాడాలి -సీపీఐ నారాయణ