పంచాయతీరాజ్ శాఖ ముఖ్యకార్యదర్శి, కమిషనర్‌ బదిలీ అయ్యారు: మంత్రి పెద్దిరెడ్డి

పంచాయతీ ఎన్నికల్లో నూటికి నూరు శాతం విజయం వైకాపాదేనని మంత్రులు బొత్స సత్యనారాయణ, పెద్దిరెడ్డి రామచంద్రారెడ్డి అన్నారు. ఎవరో వచ్చి తమ విజయాన్ని అడ్డుకోలేరని స్పష్టం చేశారు. ఎస్ఈసీ ఏం బదిలీలు చేసుకున్నా, ఏం చేసుకున్నా మేము పట్టించుకోమని వ్యాఖ్యానించారు.

సుప్రీంకోర్టు తీర్పును శిరసా వహిస్తామని మంత్రులు బొత్స సత్యనారాయణ, పెద్దిరెడ్డి రామచంద్రారెడ్డి అన్నారు. పంచాయతీ ఎన్నికల్లో నూటికి నూరుశాతం విజయం వైకాపాదేనన్నారు. ప్రజల ప్రాణాలకు ఇబ్బంది రాకూడదన్న ఉద్దేశ్యంతో ఎన్నికలను వాయిదా వేయాలని కోరామని మంత్రి బొత్స చెప్పారు. కరోనా జాగ్రత్తలు తీసుకుంటూ ఎన్నికలకు వెళ్తామని చెప్పారు. ఎన్నికలంటే తమకు భయం లేదని.. ఎవరో వచ్చి విజయాన్ని అడ్డుకోలేరని వ్యాఖ్యానించారు. ఎవరేం చేసినా అంతిమంగా ప్రజలే న్యాయ నిర్ణేతలని అభిప్రాయపడ్డారు. గ్రామాల్లో ఏకగ్రీవాలు అనేవి ఎప్పట్నుంచో వస్తున్నాయని చెప్పారు.

ఏం చేసుకున్నా మేం పట్టించుకోం: మంత్రి పెద్దిరెడ్డి

పంచాయతీరాజ్ శాఖ ముఖ్య కార్యదర్శి, కమిషనర్‌ బదిలీ అయ్యారని మంత్రి పెద్దిరెడ్డి రామచంద్రారెడ్డి అన్నారు. ఎస్ఈసీ ఏం బదిలీలు చేసుకున్నా, ఏం చేసుకున్నా మేము పట్టించుకోమని వ్యాఖ్యానించారు. సింబల్ లేకపోయినా 90 శాతం పైగా సర్పంచ్ లు తమ పార్టీ వారే గెలుస్తారని ధీమా వ్యక్తం చేశారు. ఎస్​ఈసీ అనుకున్నంత మాత్రాన ప్రజల్లో తమపై ఉన్న అభిప్రాయం మారదన్నారు.

ఇదీ చదవండి:పంచాయతీ ఎన్నికలు జరగాల్సిందే... మీ యుద్ధంలో మేం భాగస్వామ్యం కాబోము: సుప్రీంకోర్టు