తెలంగాణ: చిత్రీకరణకు ఓకే.. సచివాలయం పరిశీలనకు మీడియాకు అనుమతి

తెలంగాణ సచివాలయ భవనాల కూల్చివేత, వ్యర్థాల తొలగింపు పనులకు సంబంధించిన వార్తల సేకరణకు అనుమతులు ఇవ్వాలని తెలంగాణ ప్రభుత్వం నిర్ణయించింది. ఇవాళ సాయంత్రం 4 గంటలకు బీఆర్కే భవన్‌ నుంచి మీడియా ప్రతినిధులను నగర పోలీసు కమిషనర్‌ ఆధ్వర్యంలో తీసుకెళ్లి సెక్రటేరియట్‌ ప్రాంతాన్ని చూపించనున్నట్లు మంత్రి ప్రశాంత్‌ రెడ్డి వివరించారు.

తెలంగాణ సచివాలయ భవనాల కూల్చివేత, వ్యర్థాల తొలగింపు పనులకు సంబంధించిన వార్తల సేకరణకు అనుమతులు ఇవ్వాలని తెలంగాణ ప్రభుత్వం నిర్ణయించింది. ఇందులో భాగంగానే ఈ సాయంత్రం నగర పోలీసు కమిషనర్‌ ఆధ్వర్యంలో మీడియా ప్రతినిధులకు సచివాలయ ప్రాంతాన్ని చూపనున్నట్లు రాష్ట్ర రహదారులు, భవనాల శాఖ మంత్రి ప్రశాంత్‌ రెడ్డి తెలిపారు. కూల్చివేత సంబంధిత వార్తలు సేకరించడానికి అనుమతి ఇవ్వాలన్న విజ్ఞప్తుల మేరకు ఈ నిర్ణయం తీసుకున్నట్లు ఆయన తెలిపారు.

అయితే, కూల్చివేతల సందర్భంగా ప్రమాదాలు జరిగే అవకాశం ఉంటుందని.. తగు జాగ్రత్తలు తీసుకుని ప్రభుత్వమే మీడియా ప్రతినిధులకు ఆ ప్రాంతాన్ని చూపించాలని నిర్ణయించినట్లు ఆయన వెల్లడించారు. ఇవాళ సాయంత్రం బీఆర్కే భవన్‌ నుంచి మీడియా ప్రతినిధులను నగర పోలీసు కమిషనర్‌ ఆధ్వర్యంలో తీసుకెళ్లి సెక్రటేరియట్‌ ప్రాంతాన్ని చూపించనున్నట్లు మంత్రి ప్రశాంత్‌ రెడ్డి వివరించారు.

ఇవీ చూడండి:రికవరీలో రికార్డు- ఒక్కరోజే 36 వేల మంది డిశ్చార్జ్