Relationship Issues :ఆమె విషయంలో జరిగింది బాధాకరమే. సాన్నిహిత్యం, నిబద్ధత, నమ్మకం ఉంటేనే ఆడ, మగ మధ్య ప్రేమ దృఢమవుతుంది అంటాడు ప్రఖ్యాత సైకాలజిస్ట్‌ రాబర్ట్‌ స్టీన్‌బర్గ్‌. అంతకుముందు వాళ్ల అనుబంధంలో ఈ మూడూ ఉండేవి గనకే ప్రేమ పెళ్లి చేసుకున్నారు. తర్వాత అవి ఎందుకు లోపించాయి? తను వేరే అమ్మాయికి ఎందుకు దగ్గర కావాల్సి వచ్చిందో ఆలోచించాలి? ఇది జరిగాక అయినా తనని అడగాల్సింది.
ఏదేమైనా తను మరొకరితో సన్నిహితంగా ఉండటం సమర్థనీయం కాదు. విషయం తెలిశాక, ఇలాంటివి వద్దు అని చెప్పిన తర్వాత కూడా అతను మళ్లీ అలా చేయడం ముమ్మాటికీ తప్పే. పాప కోసం ఆ నమ్మక ద్రోహం, బాధ భరించడం నిజంగా అభినందనీయం. కానీ ఎన్నాళ్లిలా? ఆమెది చిన్న వయసే. బోలెడంత భవిష్యత్తు ఉంది. దంపతులిద్దరూ ఎడమొహం, పెడమొహంగా ఉంటే అది పాప భవిష్యత్తుపై ప్రభావం చూపిస్తుంది. అతడికి మరో అవకాశం ఇచ్చి చూడాలి. ఇలాంటివి పునరావృతం అయితే బాగుండదని గట్టిగా హెచ్చరించాలి. బహుశా అతడు మారొచ్చు.