మహబూబ్నగర్ జిల్లా యంత్రాంగం ప్రపంచ రికార్డు నెలకొల్పి గిన్నిస్లో చోటు దక్కించుకుంది. లార్జెస్ట్ సీడ్ బాల్ సెంటెన్స్ పేరిట 73,918 విత్తన బంతులతో అతిపెద్ద వాక్యాన్ని రాసి ప్రపంచ రికార్డు సృష్టించింది. మహబూబ్నగర్ రైల్వే కమ్యూనిటీ హాల్లో జిల్లా స్వయం సహాయక సంఘాల మహిళలు ఈ వాక్యాన్ని విత్తన బంతులతో వరుసగా పేర్చారు. అనంతరం అందుకు ఎన్ని విత్తన బంతులను వినియోగించారో లెక్కించారు. గిన్నిస్ బుక్ ఆఫ్ వరల్డ్ రికార్డ్స్ ప్రతినిధులు ఎడ్యూరికేటర్ రిషినాథ్, కంట్రీ ప్రతినిధి నిఖిల్ శుక్లా, లండన్ నుంచి ఆండ్రూఫ్ ఈ ప్రక్రియను ఆన్లైన్లో పర్యవేక్షించారు.
ఆన్లైన్ ఆధారాలు, ఫొటో సాక్ష్యాలు, ఇతర నివేదికలు పరిశీలించిన అనంతరం విత్తన బంతులతో రూపొందిన అతిపెద్ద వాక్యాన్ని రూపొందించి ప్రపంచ రికార్డు నెలకొల్పినట్లుగా తెలిపారు. మంత్రి శ్రీనివాస్గౌడ్, కలెక్టర్ వెంకట్రావు, పీజెడ్ఎంఎస్, డీఆర్డీఏ, మెప్మా, హెటెరో గ్రూప్ల పేరిట రికార్డును నమోదు చేసినట్లు రిషినాథ్ ఆన్లైన్ వేదికగా వెల్లడించారు.
గ్రీన్ ఇండియా ఛాలెంజ్కు అంకితం..