కోయిల్​సాగర్ జలాశయం ఐదు గేట్లు ఎత్తివేత

తెలంగాణలోని నారాయణపేట, మహబూబ్​నగర్ జిల్లాల్లో వరుసగా రెండు రోజులుగా వర్షాలు కురుస్తున్నాయి. కోయిల్​సాగర్ జలాశయానికి వరద ప్రవాహం క్రమంగా పెరుగుతోంది. ఈ నేపథ్యంలో మరోమారు కోయిల్​సాగర్ ప్రాజెక్టు ఐదు గేట్లు ఎత్తి 3,500 క్యూసెక్కుల నీటిని అధికారులు దిగువకు వదులుతున్నారు.

తెలంగాణ మహబూబ్​నగర్, నారాయణపేట జిల్లాలో వరుసగా రెండు రోజులుగా మోస్తారు నుంచి భారీ వర్షాలు కురుస్తున్నాయి. కోయిల్ సాగర్ జలాశయానికి భారీగా వరద నీరు వచ్చి చేరుతోంది. గురువారం ఉదయం కోయిల్​సాగర్ ప్రాజెక్టు ఐదు గేట్లను ఒక అడుగు పైకెత్తి 3,500 క్యూసెక్కుల నీటిని దిగువన ఉన్న పెద్దవాగుకు వదులుతున్నారు.

ఈ తరుణంలో బండర్​పల్లి వాగు ఉద్ధృతంగా ప్రవహిస్దోంది. ఇప్పటికే జలాశయం నీటి మట్టం గరిష్ఠ స్థాయికి చేరుకోవడం వల్ల.. వచ్చిన వరదను వచ్చినట్టుగా అధికారులు గేట్లు పైకెత్తి వదులుతున్నారు.

ఇదీ చూడండి :విద్యుత్ నగదు బదిలీ పథకానికి మంత్రివర్గం ఆమోదం