Vinayaka Chaturthi Wishes: రాష్ట్ర ప్రజలందరికీ తెదేపా అధినేత చంద్రబాబు సహా పవన్ కల్యాణ్, నారా లోకేశ్లు వినాయక చవితి శుభాకాంక్షలు తెలిపారు. గణేశ్‌ ఉత్సవాలపై ఆంక్షలు విధించటం సరికాదని చంద్రబాబు అభిప్రాయపడ్డారు. అనుమతుల పేరుతో గణేశ్‌ మండపాలకు ఆంక్షలు విధించారని మండిపడ్డారు. గణేశ్‌ నవరాత్రులు అంటే పండగ మాత్రమే కాదని... స్వాతంత్య్ర పోరాటంలో ప్రజలను ఏకం చేసింది గణేశ్‌ పండగ అని అన్నారు. ప్రజల్లో జాతీయ భావాన్ని నింపేందుకు దోహదపడిందని తెలిపారు.
రాష్ట్ర ప్రజలకు జనసేన అదినేత పవన్ కల్యాణ్ వినాయక చతుర్థి శుభాకాంక్షలు తెలిపారు. పాలన మాటున ప్రజలను పీడించే నాయకులకు సద్బుద్ధి కలగాలని కోరుకున్నారు. ప్రజలందరూ సంతోషంగా పండుగ జరుపుకోవాలని ఆకాంక్షించారు.