రాజ్యసభలో కేవీపీ ప్రసంగం
ధరలు పతనమై దిగాలుపడుతున్న మిరప రైతులను కేంద్రం ఆదుకోవాలని రాజ్యసభ సభ్యుడు కేవీపీ రామచంద్రరావు కోరారు. రాజ్యసభలో మిరప రైతుల కష్టాలను ప్రస్తావించిన ఆయన.. చైనాలో కరోనా ప్రభావం వల్ల తెలుగు రాష్ట్రాల నుంచి మిరప ఎగుమతులుు నిలిచిపోయాయని తెలిపారు. ఫలితంగా ధరలు పడిపయిిరైతులు నష్టపోతున్నారన్నారు. . ఈ తరుణంలో కేంద్రమే ఆదుకోవాలని కోరారు. దాదాపు 5వేల కోట్ల రూపాయల విలువైన తేజ రకం మిరప పంట తెలుగు రాష్ట్రాల నుంచి ఎగుమతి అవుతోందని వెల్లడించారు. ఇందులో 60శాతం చైనా దిగుమతి చేసుకుంటోందని... ప్రస్తుతం కరోనా విజృంభణ వల్ల ఆ దేశం దిగుమతులను ఆపేసిందని వివరించారు. ఫలితంగా ఏపీ, తెలంగాణలోని మిరప రైతులు తీవ్రంగా నష్ట పోతున్నారని ఆవేదన వ్యక్తం చేశారు.కేంద్ర ప్రభుత్వమే రైతులకు గిట్టుబాటు ధర కల్పించాలని విజ్ఞప్తి చేశారు. .