తెలంగాణ: మేయర్, ఛైర్​పర్సన్​ ఎంపికపై తెరాస వ్యూహాలు

తెలంగాణ పురపోరులో తెరాస జయభేరీ మోగించింది. అత్యధిక స్థానాల్లో విజయకేతనం ఎగురవేసింది. పార్టీ గెలుపుతో గులాబీ నేతలు, కార్యకర్తలు సంబురాలు జరుపుకుంటున్నారు. పార్టీ కార్యనిర్వాహక అధ్యక్షుడు కేటీఆర్.. తెలంగాణ భవన్​లో ఎంపీలు, ఎమ్మెల్సీలతో భేటీ అయ్యారు.

తెలంగాణ భవన్​లో సంబురాలు మొదలయ్యాయి. పురపోరులో కారు జోరుతో నేతలు, కార్యకర్తలు భారీగా పార్టీ కార్యాలయానికి చేరుకున్నారు. తెరాస కార్యనిర్వాహక అధ్యక్షుడు కేటీఆర్‌ మున్సిపల్‌ ఎన్నికల ఫలితాలను పరిశీలిస్తున్నారు. మెజార్టీ స్థానాలు గెలుచుకున్నందున.. మేయర్, ఛైర్​పర్సన్ ఎన్నికల్లో అనుసరించాల్సిన వ్యూహాలపై దృష్టి సారించారు. పార్టీ కార్యాలయంలో ఉన్న ఎంపీలు, ఎమ్మెల్సీలతో భేటీ అయ్యారు. ఎక్స్​అఫీషియో ఓటు వినియోగంపై వారితో చర్చిస్తున్నారు.