మాట్లాడుతున్న కొండా విశ్వేశ్వరరెడ్డి రాజకీయంగా జరిగిన విషయాలను అవమానంగా భావించొద్దని చెప్పేందుకే మాజీ మంత్రి ఈటల రాజేందర్ను కలిసినట్లు మాజీ ఎంపీ కొండా విశ్వేశ్వర రెడ్డి తెలిపారు. మాజీ మంత్రి ఈటల రాజేందర్ను... మాజీ ఎంపీ కొండా విశ్వేశ్వర్రెడ్డి కలవటం సర్వత్రా ఆసక్తి నెలకొంది. తెలంగాణ మేడ్చల్ జిల్లా శామీర్పేటలోని ఈటల నివాసంలో ఇద్దరు నేతలు భేటీ అయ్యారు. దాదాపు గంటపాటు వివిధ అంశాలపై చర్చించారు. తాజా పరిణామాల నేపథ్యంలో ఓ మిత్రునిగా.. కలిసి మాట్లాడేందుకు వచ్చినట్లు కొండా తెలిపారు. రాజకీయాలు చర్చించేందుకు రాలేదని స్పష్టం చేశారు. ఈటల భార్య జమునా రెడ్డి తనకు బంధువన్నారు.
కేసీఆర్ తప్పుల్లో ఇదొకటి...
ఏ నిర్ణయం తీసుకున్నా... తెలంగాణ ప్రజలు వెన్నంటే ఉంటారని ఈటలతో చెప్పినట్టు కొండా తెలిపారు. ఇతర విషయాలు ఏమీ మాట్లాడలేదని... రాజకీయాలు అసలు చర్చకే రాలేదన్నారు. ముఖ్యమంత్రి కేసీఆర్ ఎన్నో తప్పుడు నిర్ణయాలు తీసుకున్నారని... అందులో ఇదొకటని వివరించారు. దీన్ని అవమానంగా భావించొద్దని... ఈ చర్య వల్ల మంచే జరిగిందని ధైర్యం చెప్పినట్టు పేర్కొన్నారు.
సర్వత్రా ఆసక్తి...
గత పది రోజులుగా రాష్ట్రంలో చోటుచేసుకున్న కీలక పరిణామాల నేపథ్యంలో ఈ సమావేశం అత్యంత ప్రాధాన్యత సంతరించుకుంది. కొండా విశ్వేశ్వర్రెడ్డి ఇటీవల కాంగ్రెస్కు రాజీనామా చేశారు. ఇరువురు నేతలు ఎలాంటి నిర్ణయం తీసుకోనున్నారు అనే అంశం ఆ నేతల అభిమానుల్లో ఆసక్తిని పెంచుతున్నాయి.
