'పరమ వీర చక్ర ఇచ్చి ఉంటే పూర్తి న్యాయం జరిగేది.!'
దేశం కోసం వీరమరణం పొందిన తెలంగాణ వాసి కర్నల్ సంతోష్ బాబుకు మహావీర చక్ర పురస్కారం ఇవ్వడం సంతోషమే అయినా.. పరమ వీర చక్ర పురస్కారం ఇస్తే బాగుండేదని ఆయన తండ్రి బికుమల్ల ఉపేందర్ అభిప్రాయం వ్యక్తం చేశారు. తన కుమారుడి వీరమరణం పట్ల గర్విస్తున్నాని చెప్పారు. ఆయుధాలు లేకుండా శత్రు మూకలను తరిమికొట్టిన సంతోష్కు పరమవీర చక్ర పురస్కారం దక్కితే న్యాయంగా ఉండేదన్నారు. గల్వాన్ పోరు అనంతరం భారత్ శక్తి ప్రపంచానికి తెలిసిందన్నారు.