పేరు మార్చడంతో ఎన్టీఆర్‌ కీర్తిని చెరిపివేయలేరు: జూనియర్ ఎన్టీఆర్‌

16:50 September 22

ఎన్టీఆర్​ పేరు మార్పుపై స్పందించిన నందమూరి కుటుంబ సభ్యులు

Jr. NTR on NTR Name change issue: ఎన్టీఆర్ హెల్త్‌ యూనివర్సిటీ పేరు మార్పుపై జూనియర్ ఎన్టీఆర్‌, నందమూరి కల్యాణ్​ రామ్​ స్పందించారు. ఎన్టీఆర్‌, వైఎస్‌ఆర్‌ విశేషాదరణ పొందిన గొప్ప నాయకులని జూనియర్​ ఎన్టీఆర్​ కొనియాడారు. వర్సిటీ పేరు మార్పుతో ఎన్టీఆర్‌ కీర్తిని చెరిపివేయలేరని స్పష్టం చేశారు. తెలుగు ప్రజల గుండెల్లో ఎన్టీఆర్‌ పేరును చెరిపివేయలేరని ట్విటర్ వేదికగా తెలిపారు.

''ఎన్టీఆర్​, వైఎస్సార్​ ఇద్దరూ విశేష ప్రజాదరణ పొందిన నాయకులే. ఈ విధంగా ఒకరి పేరు తొలగించి మరొకరి పేరు పెట్టడం ద్వారా తెచ్చే గౌరవం వైఎస్సార్​ స్థాయిని పెంచదు... ఎన్టీఆర్​ స్థాయిని తగ్గించదు. ఎన్టీఆర్​ విశ్వవిద్యాలయం పేరు మార్చడం ద్వారా ఎన్టీఆర్​ సంపాదించుకున్న కీర్తిని, తెలుగు ప్రజల హృదయాల్లో ఉన్న వారి జ్ఞాపకాలను చెరిపివేయలేరు.'' -ట్విటర్​లో జూనియర్​ ఎన్టీఆర్​

విద్యార్థులకు నాణ్యమైన వైద్య, విద్యను అందుబాటులోకి తీసుకురావాలని కోరుకున్న ఎన్టీఆర్​ ఈ మహా విశ్వవిద్యాలయానికి అంకురార్పణ చేశారని నందమూరి కల్యాణ్​ రామ్​ అన్నారు. ఈ వైద్య ఆరోగ్య విశ్వవిద్యాలయం దేశంలోనే అత్యుత్తమంగా అభివృద్ధి చెందిందని, లెక్కలేనంత మంది నైపుణ్యం కలిగిన వైద్య నిపుణులను దేశాలనికి అందించిందని గుర్తు చేశారు. తెలుగు రాష్ట్రాల్లో వైద్య అధ్యయనాల మెరుగుదలకు ఎన్టీఆర్​ చేసిన కృషిని స్మరించుకునేందుకు విశ్వవిద్యాలయానికి డాక్టర్​ ఎన్టీఆర్​ యూనివర్సిటీ ఆఫ్​ హెల్త్​ సైన్సెస్​ అని పేరు పెట్టారన్నారు.

14:55 September 22

ఎన్టీఆర్​ పేరు మార్పుపై స్పందించిన నందమూరి కుటుంబ సభ్యులు

ఏ రాజకీయ పార్టీ అధికారంలో ఉన్నప్పటికీ 25 ఏళ్లకు పైగా ఉనికిలో ఉన్న ప్రతిష్ఠాత్మక విశ్వవిద్యాలయం పేరును మార్చడం బాధ కలిగించిందని కల్యాణ్​ రామ్ పేర్కొన్నారు. కేవలం రాజకీయ లాభం కోసం చాలా మందికి భావోద్వేగాలతో ముడిపడి ఉన్న ఈ అంశాన్ని వాడుకోవటం తప్పు అని అభిప్రాయపడ్డారు. ఈ మేరకు కల్యాణ్​ రామ్​ ట్వీట్​ చేశారు.

"విద్యార్థులకు నాణ్యమైన వైద్య, విద్యను అందుబాటులోకి తీసుకురావాలని కోరుకున్న ఎన్టీఆర్​ ఈ మహా విశ్వవిద్యాలయానికి అంకురార్పణ చేశారు. ఈ వైద్య ఆరోగ్య విశ్వవిద్యాలయం దేశంలోనే అత్యుత్తమంగా అభివృద్ధి చెందింది, లెక్కలేనంత మంది నైపుణ్యం కలిగిన వైద్య నిపుణులను దేశాలనికి అందించింది. తెలుగు రాష్ట్రాల్లో వైద్య అధ్యయనాల మెరుగుదలకు ఆయన చేసిన కృషిని స్మరించుకునేందుకు విశ్వవిద్యాలయానికి డాక్టర్​ ఎన్టీఆర్​ యూనివర్సిటీ ఆఫ్​ హెల్త్​ సైన్సెస్​ అని పేరు మార్చారు. ఏ రాజకీయ పార్టీ అధికారంలో ఉన్నప్పటికీ 25 ఏళ్లకు పైగా ఉనికిలో ఉన్న ప్రతిష్ఠాత్మక విశ్వవిద్యాలయం పేరును మార్చడం బాధ కలిగించింది. కేవలం రాజకీయ లాభం కోసం చాలా మందికి భావోద్వేగాలతో ముడిపడి ఉన్న ఈ అంశాన్ని వాడుకోవటం తప్పు." -ట్విట్టర్​లో నందమూరి కల్యాణ్​ రామ్​

ఇక ఇటీవల ఆ రాష్ట్ర ప్రభుత్వం విజయవాడలోని ఎన్టీఆర్ హెల్త్ వ‌ర్సిటీ పేరును మార్చేసింది. ఎన్టీఆర్ హెల్త్ యూనివ‌ర్సిటీని వైఎస్ఆర్ హెల్త్ యూనివ‌ర్సిటీగా పేరు మార్పు చేస్తూ అసెంబ్లీలో సవరణ బిల్లును ప్రవేశపెట్టింది. దీనికి ఏపీ శాసనసభ ఆమోదం తెలిపింది. ఇక దీనిపై రాష్ట్రవ్యాప్తంగా దుమారం రేగింది. పేరు మార్పుపై తెదేపా, ఎన్టీఆర్ అభిమానులు మండిపడుతున్నారు.

నందమూరి రామకృష్ణ: ఇప్పటికే నందమూరి రామకృష్ణ సైతం ఎన్టీఆర్ యూనివర్సిటీ పేరు మార్పుపై స్పందించారు. ఎన్టీఆర్ ఆరోగ్య విశ్వవిద్యాలయం పేరును తొలగించడాన్ని నందమూరి కుటుంబ సభ్యులు తీవ్రంగా ఖండించారు. అన్ని వైద్య కళాశాలలు ఒకే పాలసీతో నడవాలనే భావనతో 1986లో ఆరోగ్య వర్సిటీని ఎన్టీఆర్ స్థాపించారని గుర్తు చేశారు. ఎన్టీఆర్ పేరును తొలగించడమంటే యావత్ తెలుగు జాతిని అవమానించినట్లేనని ఆక్షేపించారు. అన్ని పార్టీలకు, ప్రాంతాలకు, కులాలకు చెందిన యుగపురుషుడు నందమూరి తారక రామారావు అన్నారు. తెలుగు జాతి ఆత్మ గౌరవాన్ని కాపాడిన ఎన్టీఆర్ పేరు మార్చడం దురదృష్టకరమని ఆవేదన వ్యక్తం చేశారు. వైద్య విశ్వవిద్యాలయాన్ని ఎన్టీఆర్ పేరుమీదనే కొనసాగించాలని నందమూరి రామకృష్ణ డిమాండ్‌ చేశారు.

ఇవీ చదవండి: